Vritet ish-mesuesja e matematikes
FIER- Ish-mesuesja e matematikes gjendet e masakruar me thika ne mes te rruges. Trupi i pajete i 70-vjecares Myrvete Abilaj, u zbulua mengjesin e dites se djeshme nga kalimtare te rastit mbi nje stol prane arkes se pensioneve ne Fier. Policia fillimisht dyshoi per ndonje aksident, por gjate ekspertizes se mjekeve u zbulua se e moshuara kishte plage te shkaktuara me mjete te mprehta, thike. Nga hetimi i kryer rezulton se e ndjera vuante nga nje semundje psikike prej vitesh dhe bente jeten e endacakes, ndersa nuk kishte mbeshtetje familjare. Per momentin mbeten mister rrethanat e vrasjes se gruas dhe autori i ketij krimi, por hetuesit dyshojne per nje vrasje te mundshme ne grabitje, pasi viktima u gjet prane pikes se pensioneve. Burime zyrtare te policise thane se trupi u gjet rreth ores 07:00 te mengjesit ne qender te qytetit te Fierit. Deshmitaret njoftuan menjehere policine vendore qe mberriti ne vendngjarje. Ekspertet vune re se trupi gjendej prane nje stoli ku mendohej se kalonte edhe oret e nates ne te ftohte e moshuara Myrvete Abilaj. Fillimisht eshte menduar per nje atak kardiak per shkak te moshes, por shenjat e gjakut ne trup cuan hetuesit ne nje aksident te mundshem nga makinat te endacakes. Kane qene ekspertet qe gjate procesit te autopsise vune re se ne trup kishte plage te shkaktuara me thike, duke i rekomanduar grupit hetimor ndryshimin e pistes per ngjarjen, nga aksident ne vrasje. Brenda dy oresh eshte bere edhe identifikimi i te ndjeres, pasi shume prej qytetareve e njihnin gruan endacake dhe te semure per shkak se per shume vite kishte punuar si mesuese matematike, deri ne daljen ne pension. Burime policore thane se gruaja vuante edhe nga nje semundje mendore, per shkak te punes dhe te moshes. Prej vitesh gruaja bente edhe jeten e endacakes pasi nuk kishte shtepi dhe mbeshtetje familjare. Gjithsesi hetimet nuk kane perfunduar ende nga ana e policise, per rrethanat e ngjarjes dhe autorin e ketij krimi. Krimi mendohet te kete ndodhur pak pas mesnate dhe nuk ka pasur deshmitare ne vendngjarje. "Po punohet per te zbuluar autoret e krimit dhe rrethanat e ngjarjes", thane burime zyrtare. Po per momentin provat mbeten te pakta dhe vetem ndonje gjurme e mundshme mund te coje deri tek i dyshuari.