Vuante nga depresioni, flijohet gruaja 47-vjecare

Fier- Vuante prej vitesh nga depresioni mendor, gjendet e vetehelmuar me fostoksine dhe vdes ne spitalin e Fierit gruaja 47-vjecare. Ngjarja ka ndodhur pasditen e se henes, kur familjaret derguan ne gjendje kome K. Bome, banuese ne qytetin e Fierit. Me gjithe terapine intensive me lavash dhe serume, gruaja ka nderruar jete disa ore pas futjes ne urgjence. Burime zyrtare te policise, bene me dije se vdekja e Bomes ka ndodhur rreth ores 15:40 dhe menjehere pas njoftimit per ngjarjen kane ngritur nje grup hetimor qe ka shkuar ne banesen e te ndjeres. "Me marrjen e njoftimit strukturat e Komisariatit te Policise Fier shkuan menjehere prane ambienteve te spitalit rajonal dhe nga veprimet e para hetimore, rezulton se ne kushte depresive, 47-vjecarja ka pire lenden helmuese fostoksine", njoftoi zedhenesja e Drejtorise se Policise diten e djeshme per "KJ". Ne pyetje jane marre te aferm dhe familjare te se ndjeres, qe kane rrefyer se prej vitesh gruaja kishte probleme depresioni edhe per shkak te kushteve te jeteses e rrethanave te tjera. Me gjithe mjekimin e marre, 47-vjecarja sipas mjekeve ka arritur te realizoje flijimin me fund fatal per jeten e saj. Ne trupin e viktimes, ekspertet nuk kane dalluar shenja dhune qe te dyshohej per keqtrajtim, ndersa prokuroria po vijon hetimet dhe veprimet procedurale per vepren penale te "vetevrasjes", deri ne zbardhjen e plote te rrethanave dhe shkaqeve.

Precedentet
Tre flijime u shenuan gjate dites se hene ne Korce, Librazhd dhe Durres, ku dy mbeten ne tentative dhe nje i trete me fund fatal. Ngjarja me e rende ndodhi ne Korce, kur nje grua 41-vjecare e zhdukur nga banesa te dielen, u gjet nje dite me pas ne kanal e vetehelmuar. Kurse dy vajza 17 dhe 23 vjece, tentuan flijimin ne rrethana te paqarta.