Wollfarth: Arsimimi, hallkë drejt formimit qytetar
Tiranë- Ambasadori i OSBE-së në Tiranë Eugen Wollfarth ka deklaruar përpara nxënësve të klasave të nënta dhe vitit të parë gjimnaz, se arsimimi luan një rol thelbësor në ndërtimin e së ardhmes. Sipas ambasadorit në një takim mes tij dhe nxënësve të shkollave 9 vjeçarë dhe gjimnazeve të Tiranës, Vlorës dhe Kukësit e ardhmja ka nevojë për qytetarë aktive. Dhe të tillë behen vetëm nëpërmjet arsimit.
OSBE-ja së bashku me ministrinë kanë bashkëpunuar për të përditësuar kurikulën e edukatës qytetare. Vitin e kaluar OSBE hartoi një raport vlerësimi të edukatës qytetare ku identifikoi pikat ku ky proces mund të forcohet më tej”- është shprehur ambasadori Wollfarth.
Duke vënë theksin kështu se një hallkë e rëndësishme e krijimit të qytetarëve aktive është edhe reforma që nevojitet në kurikulen e edukatës qytetare. Këto takime zhvillohen në kuadër të projektit Ndërtimi i një qytetarie aktive në Shqipëri projekt i prezencës së ndërkombetarëve në vend. Sot rreth pesëdhjetë nxënësit do të priten edhe nga presidenti Bamir Topi, kryeministri Berisha, kryetarja e parlamentit zonja Topalli etj.
Shkrime të tjera me interes: