Wollfarth: Palët të bashkëpunojnë, do ishte një hap përpara drejt integrimit në BE

Kreu i Prezencës së OSBE-së në Tiranë, ambasadori, Eugen Wollfarth ka ripërsëritur apelin drejtuar politikës shqiptare për bashkëpunim dhe dialog mes kampeve politike. Nga qarku i Shkodrës, ambasadori i OSBE-së ka theksuar se bashkëpunimi mes palëve do të bëjë të mundur përmbushjen e reformave të kërkuara nga ndërkombëtarët përmes të cilave vendi do të bënte hapa përpara drejt integrimit në Bashkimin Europian.
Këto komente ambasadori i OSBE-së, Eugen Wollfarth, i bëri gjatë vizitës së tij në landfillin e Bushatit, në Shkodrër. Ai vlerësoi se ngritja e objekteve të tilla janë një hap i rëndësishëm për zhvillimin e vendit.