Xhafaj: Berisha, atentat ndaj procesit zgjedhor

Sekretari i Ceshtjeve Ligjore ne Partine Socialiste, Fatmir Xhafaj, propozoi dje realizimin e procesit te kartave te identitetit sipas parimit "One Stop Shop" ose e thene ndryshe "Te gjithe sherbimin ne nje sportel". "Ne kemi kohe qe i kerkojme kryeministrit nje vendim fare te thjeshte, qe formalizon nje procedure shume te qarte aplikimi duke realizuar heqjen e cdo lloj pengese, mbi te gjithe votuesit pa pasaporta qe aplikojne per leternjoftim elektronik, si domosdoshmeri e ushtrimit te se drejtes Kushtetuese per te votuar", deklaroi Xhafaj. Sipas tij, votuesi te shkoje drejtperdrejte te stacioni i aplikimit pa qene i detyruar te shkoje te zyra e bashkise, komunes, e pensioneve apo te Posta e kryeministrit. Duke vijuar me tej ai tha se votuesi te vetedeklaroje ne nje dokument standard te nenshkruar prej tij, per statusin perkates te perqasur me listat zyrtare, dhe dokumenti i vetedeklarimit mbahet nga firma koncesionare dhe i paraqitet shtetit per efekt te detyrimit financiar. "Po t´i shtosh kaosit te krijuar, edhe veshtiresite reale te procesit ne terren, faktin qe ende procesi i aplikimit nuk ka filluar ne jo pak, por ne 111 komuna te vendit, atehere mund te kemi te qarte qe nuk behet me fjale vetem per paaftesi te qeverise, por per nje atentat te paramenduar te saj, ndaj themelit te shoqerise demokratike e shtetit ligjor, zgjedhjeve te lira e te ndershme, ndaj te nesermes se vendit", tha Xhafa. Sipas tij, me kete vendim eliminohet cdo lloj mundesie per manipulim, si dhe fitohet koha e humbur ne kushtet kur jemi ne afatet minimale kohore. Partia Socialiste vlereson se ne rast te mosmarrjes se masave te menjehershme dhe radikale, per te ndryshuar qendrim ne pajisjen e qytetareve me leternjoftimi elektronik, atehere politikisht, ligjerisht, moralisht dhe praktikisht, procesi mund te konsiderohet i deshtuar. D.D