Xhafaj dhe Beqaj, takim me tregtaret: Do t'ju ulim taksat

Deputetet socialiste, Fatmir Xhafaj dhe Sekretari per Programin ne PS, Ilir Beqaj, te shoqeruar nga keshilltare socialiste te njesise bashkiake numer kater ne kryeqytet, zhvilluan dje takime me tregtare e perfaqesues te biznesit te vogel ne zonen e Kinostudios. Ne keto takime tregtaret shprehen shqetesimet e tyre per renien e vazhdueshme te fuqise blerese dhe shtimin e listave te borxhlinjve. "Kam nja 3-4 fletore me emra borxhlinjsh. Nga viti i kaluar jemi ne renie fare. Njerezit s'kane leke te me japin mua, une s'kam leke te furnizohem dhe shkon rresht muhabeti. Cmimet aty ku furnizohemi ne rriten perdite, ndersa taksat jane bere dyfish nga c'kane qene vjet", - tha nje mesogrua, e cila ka nje dyqan ushqimor. Ne bashkebisedim e siper, Ilir Beqaj, e garantoi tregtaren per ndryshimin qe do te beje Partia Socialiste me te ardhur ne pushtet. "Gjeja e pare qe do te beje qeveria socialiste, ne shtatorin e vitit te ardhshem do te jete heqja e takses se biznesit te vogel. Jane te pakten 70 mije familje ne Shqiperi qe merren me biznes te vogel. U premtua ne vitin 2005 qe do te pergjysmohej. U pergjysmua ne fillim, pastaj u futen dy taksa te tjera, u shtua dhe tatim-fitimi per biznesin e vogel, edhe u ul pragu i TVSH dhe sot ju paguani me shume se sa paguan biznesi i madh. Por ne taksen e biznesit te vogel do ta bejme zero", - u shpreh Beqaj. Nderkohe qe nje djale rreth te 30-ave prane nje tezge me fruta e perime vazhdon te qaje hallet e perbashketa te kesaj shtrese. "Shume keq jemi. Cmimet e tregut te shumices ku furnizohemi ne jane rritur. Ne e shesim mallin per te fituar 100 leke te vjetra. Shkurt muhabeti, tregtia ka rene shume. Ne krahasim me vjet xhiro ka rene pothuajse 3-4 here. Gjysma e njerezve marrin me lista", - u shpreh i riu. Ne perfundim te takimeve me tregtaret, deputeti Xhafaj, tha se situata eshte tragjike. Sipas tij, tregtaret folen per taksa, per litarin qe po u shtrengohet atyre cdo dite e me shume nga njesite e qeverisjes vendore, nga Bashkia e Tiranes dhe nga organet qendrore. "Folen per fukarallekun dhe varferine e tejskajshme. E degjuat ate zonjen qe tha se kishte jo nje, por 3-4 fletore. Ato jane fletoret e varferise dhe nga ana tjeter jane nje thirrje per gjendjen e renduar, ne te cilen ndodhen njerezit", - tha ai.