Xhami ne Ground Zero? Amerikanet debatojne me zjarr
Plani per ndertimin e nje qendre islame prane Ground Zero ne Nju Jork ka ngjallur debate te zjarrta. Ndertimi do te behet pikerisht aty, ku u rrezuan kullat binjake me 11 shtator 2001 nga nje sulm terrorist.
Plani per ndertimin e nje qendre te bashkesise islame ne afersi te Ground Zero ne Nju Jork ka ngjallur debate te zjarrta, sepse synohet qe qendra te ndertohet pikerisht ne vendin, ku dy kullat binjake te World Trade Center u rrezuan pas perplasjeve te dy avioneve me 11 shtator 2001 nga terroristet islamiste. Shume amerikane jane kunder ketyre planeve. Pas kritikave te ashpra publike ne fundjave presidenti i SHBA-se Barack Obama beri te qarte pozicionin e tij per kete projekt ndertimi.
Obama: Myslimanet kane te drejte te ushtrojne fene e tyre
Per jave te tera presidenti Obama qendroi i distancuar ndaj debatit te flakte lidhur me planin per ndertimin e qendres per bashkesine islame ne afersi te Ground Zero. Duke folur gjate nje dreke qe ai dha ne shtepine e bardhe me rastin e festes se Ramazanit, Obama beri te qarte: "Une e kuptoj, qe kjo ceshtje ngjall emocione. Ground Zero eshte toke e shenjte. Por si qytetar dhe si president une besoj, se myslimanet serish si kushdo tjeter ne vend kane te drejte te ushtrojne fene e tyre”.
Kjo presupozon edhe te drejten, per te ndertuar ne mes te Manhatenit nje xhami, nese respektohen te gjitha ligjet dhe detyrimet, shtoi Obama. Ky ka qene vullneti i eterve amerikane te themelimit: "Kjo eshte Amerika dhe zotimi yne per lirine e besimit duhet te jete i patundur", shtoi Obama.
Kritiket: Ne Ground Zero perpara nente vjetesh u thye zemra e Amerikes
Kjo deklarate hasi ne kritikat e ashpra te perfaqesuesve te shoqatave te viktimave. Barack Obama e ka lene Ameriken ne balte ne vendin, ku perpara nente vjetesh u thye zemra e Amerikes, deklaroi Debra Burlingame, zedhenesja e disa familjeve te viktimave. Edhe politikanet republikane shprehen kritika te ashpra: "Kjo tregon serish, qe Obama nuk do t' ia dije se cfare duan njerezit ne Amerike. Obama e ka humbur lidhjen me njerezit dhe kjo eshte shume e rrezikshme per nje president", kritikon republikani Rick Santorum ne interviste per televizionin Fox News. Ajo qe ai e mban te heshtur eshte, se amerikanet jane te ndare lidhur me kete ceshtje te diskutueshme. Ndonese, sipas nje anketimi te fundit, 64% e qytetareve mendojne, se ndertimi i xhamise ne afersi te Ground Zero eshte nje gabim, ne te njejtin anketim 61% thone, se ky grup ka absolutisht te drejte qe te ndertoje nje qender islamike.