Xhon Kerri viziton Afganistanin dhe Pakistanin
Senatori amerikan, Xhon Kerri, ka arritur në Afganistan sot ndërsa pritet të udhëtojë për në Pakistan.
Ambasada e SHBA-ve në Kabul nuk ka publikuar itinerarin e vizitës së Kerrit në Afganistan për arsye sigurie.
Shtëpia e Bardhë ka thënë se e përkrah udhëtimin e Kerrit në Pakistan që të lehtësojë marrëdhëniet e acaruara për shkak të vrasjes së Osama bin Ladenit në Abotabad, vetëm 65 kilometra larg Islamabadit, më 2 maj.
Xhon Kerri është udhëheqës i Komitetit të Senatit për Marrëdhënie me Jashtë ndërsa ai do jetë zyrtari më i lartë amerikan që e viziton kryeqytetin e Pakistanit pas vrasjes së Bin Ladenit.