Zbardhen abuzimet e demshperblimeve

Tirane- Prokuroria e Tiranes ka zbardhur disa nga abuzimet qe jane kryer me vleresimin e demeve pas shperthimit me 15 mars te ketij vitit ne Gerdec. Sipas burimeve nga prokuroria ka rezultuar se komisioneret e caktuar nga Qarku i Tiranes, Enti i Banesave, bashkia Vore dhe ALUIZNI kane bere vleresime te gabuara te demit te ketyre banesave. Nje nga shume rastet e zbuluara nga ana e prokurorise, kishte te bente me banesat dy ose tre kateshe. Sipas akuzes keta komisionere kane vleresuar demin njesoj per te gjitha katet. Ndersa ka rezultuar se realisht nje nga katet e ketyre godinave ka qene e banuar dhe e rregulluar ndersa te tjerat kane qene vetem themele, ose ne rast te kundert kati i pare i tyre garazh. Keshtu mesohet se nje nga rastet flagrante ishte demshperblimi i nje ndertese tre kateshe, ku kati i pare i se ciles ka rezultuar te kete qene garazh, kati i dyte ka qene banese dhe i treti nuk ishte ndertuar fare. Komisioneret rezulton te kene dhene nje demshperblim i cili arrinte ne 21 milione leke, ku demi per secilin kat arrinte 7 milione leke. Po jo vetem kaq, sipas burimeve nga prokuroria raste te tilla arrijne mbi 70 ndertesa, per te cilat do te kryhen verifikime nga e para per menyren e demshperblimit te dhene familjareve. Sipas prokurorit dyshimet vertiten ne faktin e bashkepunimeve te mundshme mes komisonereve dhe banoreve te ketyre banesave, per perfitime mbi demshperblimet. Mesohet se grupi hetimor i cili po heton kete dosje do te verifikoje plot 70 banesa te tjera per menyren sesi jane kryer demshperblimet e tyre. Burimet kane shtuar se nuk eshte marr ende nje vendim per menyren sesi do te nisin verifikimet, mesohet se ato do te kryhen sipas zonave ku edhe kane qene keto ndertesa. Ndersa mesohet se do te verifikohen te gjitha listat e demshperblimeve te marra nga banoret, te cilet u perfshine nga tragjedia e Gerdecit, per te pare nese ka pasur persona te tjere te cilet kane perfituar ne menyre te padrejte, duke mos qene persona te bashkise Vore. Pakenaqesite e banoreve sollen ne verifikime e demshperblimeve, por nga ana tjeter edhe nisjen e hetimeve per komisioneret, te cilet dyshohet te kene abuzuar me detyren. Per t'u ardhur ne ndihme banoreve te Gerdecit, qeveria dha 3 miliarde leke si demshperblim per te kompensuar humbjet nga shperthimi. Prokuroria ka nisur hetimet per abuzimet qe jane dhene ne lidhje me keto demshperblime, te cilat dyshohet te mos jene bere ne varesi te demit real, por te jene marre edhe ryshfete nga ana e komisionereve per te vendosur emrin e banoreve ne lista. Fillimisht, prokuroria hetoi 15 grupet e vleresimit te demeve te caktuar nga Shtabi i Emergjences ne bashkine e Vores, i ngritur menjehere pas tragjedise. Denoncimet e banoreve sollen zevendesimin e grupeve me persona te tjere, duke bere nje vleresim te dyte te demeve dhe perpilimit te listave. Rreth 30 persona perfunduan ne prokurori per t'u hetuar ne lidhje me veprimet e kryera dhe jane shqyrtuar listat paraprake te hartuara.

Tragjedia e Gerdecit

Tragjedia e Gerdecit ndodhi me 15 mars te ketij vitit, ku si pasoje e shperthimit humben jeten 26 persona dhe u plagosen me shume se 300 te tjere. Si pergjegjes per kete tragjedi jane marre te pandehur Ylli Pinari, drejtori i Meicos, Mihal Delijorgji, ish administrator i "Albademil", si dhe Dritan Minxholli, drejtori teknik i punimeve ne fabrike. Gjithashtu nen hetim ndodhet edhe ish drejtori losgjitik, Dashnor Caushi, si dhe Sokol Gjeci. Ndersa nga ana tjeter prokuroria ka nisur hetimet e saj per ish ministrin e Mbrojtjes Fatimir Mediu.

Tragjedia, akuza per vrasje masive

Tre te pandehurit e akuzuar per tragjedine e Gerdecit, akuzohen nga prokuroria per veprat penale "vrasjes ne rrethana te tjera cilesuese, kunder dy ose me shume personave, ne menyre te rrezikshme per jeten e shume personave te tjere", "shkelje te rregullave te lendeve plasese, djegese dhe radioaktive". Ndersa per te pandehurin Ylli Pinari prokuroria ka ngritur nje tjeter akuze ate te "shperdorimit te detyres". Nje muaj me pare Gjykata e Tiranes dhe me pas gjykata e Apelit ka shtyre afatet e hetimit edhe gjashte muaj te tjera per tre te pandehurit, ndersa kane caktuar masat e sigurise arrest me burg per vepren penale te "vrasjes masive".