Zbardhet pasuria e familjes Berisha

adi shkembi

Djali i Kryeministrit Berisha, Shkëlzeni ka blerë gjatë vitit të kaluar një makinë tip Audi të vitit 2007, me vlerë 18 mijë euro, ndërsa vajza, Argita Malltezi, ka shtuar sipërfaqen e shtëpisë në kryeqytet, që i ka kushtuar 70 mijë euro. Gazeta boton sot të plota deklarimet e familjes së Kryeministrit.
Shkëlzen Berisha
Gjatë vitit 2009, djali i kreut të ekzekutivit shqiptar ka deklaruar disa llogari bankare, me vlera që variojnë nga 461 mijë lekë të reja (llogari në bankën Credins), deri në 280 mijë euro (llogari rrjedhëse private në Bankën Intesa San Paolo). Sipas deklarimit të depozituar pranë ILDKP-së, për Shkëlzen Berishën mësohet se të ardhurat e tij gjatë vitit 2009, nga aktiviteti si konsulent juridik, janë 796 mijë lekë, ndërsa të ardhura neto nga aktiviteti privat në fushën e pasurive të paluajtshme janë 200 mijë euro. Ai ka raportuar në të njëjtën kohë edhe blerjen e një automjeti me vlerë 18 mijë euro.
Argita Malltezi
Vajza e Kryeministrit gjatë vitit të kaluar ka shtuar sipërfaqen e shtëpisë, që ka në rrugën “Mustafa Matohiti”, konkretisht sipërfaqen e brendshme, 65 m2 dhe verandën 59 m2. Vlera e kësaj shtese kap shifrën 70 mijë euro, që sipas formularit të deklarimit të pasurisë është shlyer brenda prillit të këtij viti. Të ardhurat e Argita Malltezit janë thuajse të njëjta me ato të vitit 2008. Ajo përfiton një rrogë bruto prej 993 mijë lekësh si pedagoge në Fakultetin e Drejtësisë dhe 419 mijë lekë nga aktiviteti si avokate, deri në datën e mbylljes. Në të njëjtën kohë, Malltezi ka dhënë një apartament me qira, prej të cilit fiton 14.040 euro dhe një apartament në godinën e ETC-së, nga i cili fiton 10.800 euro. Për tre muaj të vitit të kaluar, ajo ka marrë edhe 16.650 euro nga mësimdhënia në fakultete private.
Kryeministri
Nga ana e tij, Kryeministri Berisha ka deklaruar të ardhurat nga paga dhe shpërblimet në shumën 2.2 milionë lekë të reja, si dhe pensioni i bashkëshortes, Liri Berisha, në shumën 273 mijë lekë të reja. Kreu i Qeverisë ka marrë gjithashtu edhe dieta për udhëtime jashtë shtetit, 3040 euro dhe 1600 USD.

Deklarimi i pasurisë së familjes së Kryeministrit

Sali Berisha

Llogari në emër të Liri Berishës, Tirana Bank + 20.215 lekë

Intesa San Paolo, llogari në emër të Sali Berisha – 18 USD

Llogari në emër të Sali dhe Liri Berisha, Banka San Paolo (Ish Banka Amerikane e Shqipërisë) – 1800 lekë

Llogari në emër të Sali Berisha në Bankën Credins + 0.96 lekë

Llogari në emër të Liri Berisha, për efekt të derdhjes së pensionit në Bankën Credins + 304.461 lekë

Llogari në emër të Liri Berisha, në Raiffeisen Bank – 300 lekë

Llogari në emër të Liri Berisha në Raiffeisen Bank + 136 lekë

Llogari në emër të Sali Berisha në Raiffeisen Bank – 13.546 lekë

Llogari në emër të Sali e Liri Berisha, Intesa San Paolo Bank – 889 euro

Të ardhura nga paga dhe shpërblime në Kryeministri (Sali Berisha) 2.200.486 lekë

Të ardhura nga pensioni Liri Berisha 273.420 lekë

Dieta për udhëtime jashtë vendit si Kryeministër 3.040 euro

Dieta për udhëtime jashtë vendit si Kryeministër 1600 USD

Shkëlzen Berisha

Llogari rrjedhëse Banka Credins 461.783 lekë

Llogari rrjedhëse private Banka Intesa San Paolo 280.412 euro

Llogari rrjedhëse si person fizik Banka Intesa San Paolo 28.187 euro

Llogari rrjedhëse private Banka SEB 11.360 SEK

Kontratë për blerje automjeti tip Audi Allroad, të përdorur, prodhim i vitit 2007, për vleftën 18 mijë euro.

Të ardhura neto nga aktiviteti, si person fizik (konsulencë juridike) 796.713 lekë

Të ardhura neto nga aktiviteti privat në fushën e pasurive të paluajtshme 200.000 euro

Argita Malltezi

Emporiki Bank, llogari rrjedhëse + 41 USD; + 10.849 euro

Chavy Case Bank, llogari rrjedhëse + 4400 USD

UNECU llog. kursimi dhe rrjedhëse- nuk ka ndryshim

Raiffeisen Bank + 4120 euro; + 1.708.602 lekë

Banka Credins + 4599 euro

Intesa San Paolo Bank + 6683 euro; - 34 USD

BKT - 17.003 lekë

Procredit Bank + 5045 lekë

Shtim sipërfaqe apt. Rr. M. Matohiti, kati 8, 65 m2 sip e brendshme, 59 m2 verandë. Pagesa do të kryhet brenda muajit prill 2010. 70 mijë euro

Rroga bruto vjetore në Fakultetin e Drejtësisë dhe shpërblime 993.800 lekë

Nga aktiviteti i avokatisë deri në datën e mbylljes 419.543.54 lekë

Nga dhënia me qira e një apartamenti rr. Lidhja e Prizrenit 1170 euro/muaj neto x 12 muaj

Nga dhënia me qira e një apartamenti, godina ETC 900 euro/muaj neto x 12 muaj

Nga mësimdhënia në fakultete private 5550 euro x 3 muaj