Zbardhet vjedhja e " Alba Postes", ne pranga hajduti profesionist
BERAT- Zbardhet pas pese ditesh, vjedhja e filialit te "Alba Postes" ne qytetin e Policanit, ne zyrat e se cilet u vodhen 15 milione leke te vjetra. Ne pranga te policise eshte vene Saimir Zylyftari, 30 vjec, banues ne Polican. Arrestimi i tij, u be i mundur ne saje te operacionit te koduar "Kasaforta", rreth ores 08: 00 te mengjesit te djeshem, ne banesen e Zylyftarit. 30-vjecari u identifikua si autori i kesaj grabitjeje, pas marrjes ne pyetje te banoreve te lagjes ku ndodhi vjedhja e filialit te postes. Pas kontrollit te baneses se Zylyftarit, policia gjeti dhe sekuestroi ne cilesine e proves materiale, shumen prej 8 milione e 500 mije lekesh te vjetra. Kjo shume lekesh mesohet se ka qene pjese e parave te vjedhura ne ambientet e filialit te postes. Se bashku me sasine e lekeve, u bllokua dhe mjeti tip "Renault Clio" me targa DR 78 35 E, prone e autorit te dyshuar dhe nje aparat celular i tipit "Nokia". Policia ka ngritur ne ngarkim te Zylyftarit akuzen e "vjedhjes". Autori sipas policise njihet si person me precedent te meparshem, per vjedhje. Ai mesohet se ka qene i denuar ne Holande dhe France, per vjedhje te banesave dhe shperndarje te lendeve narkotike.