Zbulohet aeroplani i rrëzuar para 6 dekadave

Më 22 nëntor të vitit të largët 1952, një aeroplan transportues i aviacionit luftarak të SHBA-së, “Douglas 124-C“, i shfrytëzuar gjatë luftës në Kore, është rrëzuar diku në Alaskë dhe me këtë rast kanë gjetur vdekjen 52 udhëtarë, të cilët gjendeshin në bord.

Për shkak të kushteve të këqija klimatike, aeroplani kurrë nuk është gjetur, kurse familjarët e të vdekurve nuk dinin se ku i kishin të varrosur të dashurit e tyre. Kështu zgjati deri më 10 qershor të këtij viti, kur mbetjet e aeroplanit të rrëzuar dhe të ushtarëve të vdekur u gjetën në akullnajën Knik, diç më pak se 100 kilometra larg qytetit Anchorage në Alaskë.

Për zbulimin e varrezës së tyre në akullnajë meritat i takojnë ekuipazhit të helikopterit UH-60 “Black Hawk”, të gardës kombëtare të ushtrisë së Alaskës.

Kapiteni i helikopterit tha se aeroplani ka qenë e mundur të identifikohet në bazë të materialit të gjetur në vendin rrëzimit të tij, që më pastaj është analizuar në laboratorin qendror për identifikim JPAC në Hawaii.

Në kohën e aksidentit shpëtimi i aeroplanit dhe i udhëtarëve është penguar nga kushtet e këqija klimatike, kurse më pastaj autoritetet në Alaskë nuk kanë qenë në gjendje të gjejnë vendin e aksidentit.