Zëvendëskryeministri Kuçi priti shefin e Ushtrisë Shqiptare

Prishtinë, 2 shtator - Zëvendëskryeministri Hajredin Kuçi priti në takim shefin e Ushtrisë Shqiptare, gjeneralin Maksim Malaj, me të cilin bisedoi për zhvillimet në Kosovë dhe në rajon, si dhe për bashkëpunimin për ndërtimin e paqes dhe ruajtjes së sigurisë në të dyja vendet dhe në rajon.
Në takim është biseduar edhe për rritjen e bashkëpunimit në këmbimin e përvojave në mesë të Ushtrisë Shqiptare dhe Forcave të Sigurisë së Kosovës.
"Anëtarësimi i Shqipërisë në NATO, është një mundësi e mirë që Ushtria e Shqipërisë të modernizohet dhe të jetë e aftë për t'u përballur me sfidat e sigurisë së vendit të saj, por edhe për mbështetjen e FSK-së, që është në funksion të garantimit të sigurisë dhe paqes në rajon", ka vlerësuar zëvendëskryeministri Kuçi.
Gjenerali Malaj është shprehur për vazhdimin bashkëpunimit në mes të dy vendeve dhe gatishmëria e shtetit shqiptarë për të mbështetur proceset pozitive në Kosovë dhe rajon është e madhe.