Zgjedhjet ne KOKSH, Ademi denoncon shkeljet
Zgjedhjet e reja ne KOKSH per postin e presidentit me 6 dhjetor te ketij viti, kane ndezur para kohe garen mes kandidateve.
Presidenti i Federates se Peshengritjes, Esat Ademi, i cili kerkon te jete pasaradhesi i Hysen Domit ne kete institucion, kerkon ndihmen e shtetit, pasi sipas tij ne kete proces po shkelen ne menyre te hapur te drejtat demokratike dhe statutore, madje po krijohen kushte per manipulimin e ketyre zgjedhjeve.
Ne nje leter drejtuar ministrit te Sporteve, Ylli Pango, Ademi pasi veren 3 shkelje, sipas tij te medha, kerkon shtyrjen e zgjedhjeve. Sipas kandidatit Ademi, shkeljet e drejtuesve aktuale konsistojne ne faktin se nuk po pritet perfundimi i zgjedhjeve te federatave dhe shoqatave anetare te KOKSH-it.
Lista e votuesve, sipas tij po behet ne interes te kandidateve te tjere. Por ne baze te statutit te KOKSH-it, i miratuar nga Komiteti Nderkombetar Olimpik, zgjedhjet ne komitet behen brenda 1 viti pas perfundimit te lojrave olimpike.
Statuti ka te percaktuar edhe votuesit te cilet do te marrin pjese ne zgjedhje, te gjithe anetaret e KOKSH-it te cilet jane te rregjistruar ne federaten nderkombetare perkatese, te njohur nga Komiteti Olimpik. Sipas statutit te KOKSH- it, federatat pjesemarrese ne lojrat olimpike kane 2 te drejta vote, nderkohe qe federatat apo shoqatat e tjera kane vetem 1 te drejte vote.