Zgjedhjet presidenciale, rishfaqet Mandela

Ish-presidenti i Afrikës së Jugut, Nelson Mandela, u shfaq dje papritur në fushatën parazgjedhore të partisë ANC (Kongresi Kombëtar Afrikan). Për reporterët, veprimi i liderit karizmatik qe mbështetje e hapur ndaj kësaj partie. 90-vjeçari u brohorit gjatë nga mbështetësit përpara se t‘i linte fjalën liderit aktual të partisë, Jakob Zuma, i cili pritet të bëhet President i vendit pas zgjedhjeve të mërkurës, më kompetitivet që nga rënia e aparteidit në Afrikën e Jugut, në vitin 1994.