Zgjidhet kryetari i Parlamentit të Maqedonisë

Me 70 vota për, 47 kundër dhe dy abstenime, Тrајkо Velanovski, është zgjedhur serish për kryetar të Parlamentit të ri të Maqedonisë.

Velanovski në këtë post është zgjedhur pa votat e opozitës. Pas marrjes së postit, ai tha se Maqedonia meriton një Parlament që do të jetë impuls në rrugën e vendit drejt Evropës dhe NATO-s.

Po ashtu, kreu i Parlamentit të Maqedonisë ka thënë se të gjithë duhet t’i vendosin interesat politike shtetërore para atyre personale.

Ndryshe, pas arritjes së marrëveshjes për koalicionin qeverisës ndërmjet VMRO-DPMNE dhe BDI-së, të shtunën është mbajtur seanca e parë konstituive e Parlamentit të ri të Maqedonisë.

Në zgjedhjet e 5 qershorit, partia e së djathtës VMRO-DPMNE e Nikolla Gruevskit dhe aleatëve të saj u kanë takuar 56 vende deputetësh, ndërsa opozitës së majtë të mbledhur rreth LSDM-së së Branko Crvenkovski 42 ulëse.

Bashkimi Demokratik për Integrim i Ali Ahmetit ka fituar 15 vende, Partia Demokratike e Shqiptarëve e Menduh Thaçit 8, ndërsa RDK 2 vende.

Presidenti i Maqedonisë, Gjorgje Ivanov do të ketë dhjetë ditë afat që të konfirmojë formimin e qeverisë së re të mandatarit, ndërsa pason periudha prej 20 ditësh kur Nikolla Gruevski duhet të paraqesë kabinetin e tij të ri.