Zgjohet vullkani në Filipine, detyron 20 mijë vetë të evakuohen

Manila, 15 dhjetor NOA - Rreth 20 mijë banorë  filipinas janë detyruar të evakuohen në provincën Albaj, pasi vullkani Majon u rizgjuar duke rrezikuar seriozisht jetën e tyre.

Autoritetet ngritën sot në mëngjes shkallën e rrezikut, pasi nga vullkani i lartë 2 460 metra, filloi të dalë llavë dhe hi i zjarrtë.

Vullkani arriti dy shkallë para erupsionit kryesor dhe kjo e vendos këtë lokalitet në gjendje të rrezikut të katastrofës, tha Xho Salceda, guvernator i provincës Albaj, 340 kilometra në juglindje të Manilës.

Ai shtoi se do të mundësojë shfrytëzim më të lehtë dhe më të shpejtë të ndihmës së shpejtë, duke ndërmarrë evakuimin.