Zharku, anëtar jurie në BE Festival në Angli

Arben Zharku, drejtor i Festivalit SKENA UP, së bashku me Matt Burman, Greg Hicks, Donald Hutera nga Mbretëria e Bashkuar dhe Andrés Lima nga Spanja e përbëjnë pesëshen e jurisë në BE Festival në Angli, i cili mbahet nga data 2 deri më 8 korrik në Birmingham.

Festivali ka filluar të mbahet para tri vitesh në Birmingham ku për fokus ka performancat teatrore dhe të dansit të krijuara kryesisht nga kompanitë e reja performuese.

Në këtë edicion ka rreth 20 performanca që vijnë nga shumë vende të botës. Në festival gjithashtu ka edhe programe të ndryshme përcjellëse.