Zhurmat, 50% e qytetareve me stres

Sonila Isaku
Zhurmat dhe trafiku i renduar ne kryeqytet jane faktoret kryesore te cilet shkaktojne pagjumesi, stres, probleme me degjimin dhe ne disa raste deri ne mosfunksionim te komunikimit. Ne nje studim te kryer nga Instituti i Shendetit Publik ka rezultuar se gjysma e banoreve te Tiranes e vuajne kete problem. Te dhenat zyrtare tregojne se ne Tirane jetojne mbi 800 mije banore, gjysma e tyre vuajne keto probleme.
Studimi
Te dhenat e marra nga specialistet e Institutit te Shendetit Publik, kane treguar se 50 per qind e banoreve te kryeqytetit kane rezultuar me probleme si stres, perdorim te kapsulave per stimulim te gjumit dhe deri ne prishje te degjimit per shkak te zhurmave akustike. Me shqetesuese paraqitet situata per ata persona te cilet vuajne pasojat e zhurmave dhe te trafikut, dhe nuk jane pak por rreth 72 per qind e banoreve te kryeqytetit per te cilet trafiku eshte nje problem me vete. “Problemi kryesor tek banoret ne kryeqytet eshte deficiti auditiv ose ndryshe prishja e degjimit, eshte interferenca ne komunikim, prishja e gjumit. Trafiku dhe zhurmat shkaktojne edhe nje bezdisje te popullates, probleme mendore por edhe te sjelljes, etj,.” ka pohuar specialistja e Institutit te Shendetit Publik, Arta Ago. Sipas saj, ne kryeqytet jane disa zona te cilat njihen si me problematiket dhe me te zhurmshmet persa i perket ndotjes akustike nga muzika e larte apo trafiku i renduar.
Lokalet
“Zhurmuesit” me te medhenj ne kryeqytet jane lokalet e nates, te cilat ne shumicen e rasteve nuk jane te pajisur me nje leje mjedisore, per perdorim te muzikes se larte. Por, edhe nese do te kete leje ata duhet te plotesojne disa kushte qe fillojne nga veshja e ambientit me lende qe nuk deperton muziken, deri tek mbyllja e dyerve. Sipas ligjit, lokalet e nates te cilat funksionojne 24 ore duhet qe ne ambientet e brendshme te kene kufirin e nivelit te zhurmes akustike deri ne 35 decibel, me qellim qe muzika apo zhurmat e tyre te mos degjohen ne katin e siperm apo jashte ambienteve te lokalit. “Naten zhurma nuk duhet te kaloje nivelin e 35 decibel, qe eshte percaktuar edhe nga OBSH”, thote Mirela Shijaku, specialiste ne Institutin e Shendetit Publik. Sipas saj, pronaret e lokaleve pasi te kene investuar ne godine per te izoluar depertimin e zhurmave jashte, duhet te paraqiten prane Agjencise Rajonale te Mjedisit per t’u pajisur me leje mjedisore, e cila i kerkon Institutit te Shendetit Publik te beje matjet e duhura per nivelin e zhurmes qe degjohet. Ndersa ne ambiente te hapura muzika eshte e ndaluar dhe keto lokale nuk mund te qendrojne hapur pas ores 11.00 te mbremjes.
Policia Bashkiake, aksion per mbylljen e lokaleve
Muzika teper e larte ne lokalet e zones se ish-Bllokut, ka detyruar Policine Bashkiake kete fundjave qe te mbylle disa prej tyre. Nje aksion te ndermarre se bashku me Policine e Shtetit ka pasur per qellim mbylljen e bareve pa leje mjedisore te cilet qendronin hapur pas ores 11 te mbremjes. Policet Bashkiake zbarkuan ne zonen e ish-Bllokut duke nxjerre jashte te rinjte qe kishin zgjedhur te benin jete nate, e duke surprizuar pronaret e lokaleve. Keta te fundit, as nuk ishin paralajmeruar per kete aksion dhe qe prej 6 muajsh nuk kishin pare police te bashkiakes te paraqiteshin per t’u komunikuar uljen e muzikes apo mbylljen e lokalit pas kesaj ore.

Kushtet qe duhet te plotesoje nje lokal
Godina ku ndodhet lokali duhet te kete te percaktuar destinacionin per lokal nate
Duhet marre nje leje nga bashkia per muziken e larte
Nese lokali nuk ka leje duhet te kerkohet serish ne bashki
Perpara pajisjes me leje duhet te behet veshja e mureve me material qe nuk deperton muziken
Me pas duhet te behet matja e zhurmes nga ISHP jo me shume se 35 decibel
Per lokalet pa leje, aktiviteti i tyre duhet te jete deri ne 23. 00 te mbremjes
Nese keto lokale kerkojne zgjatje te orarit duhet te kryejne procedurat sipas ligjit

Problemet nga zhurmat
Stres
Probleme me degjimin
Prishje te gjumit
Agresivitet
Interference te fjaleve
Efekte psikofiziologjike
Efekte mbi shendetin mendor
Efekte ne sjelljen e njerezve me njeri- tjetrin