Zhvillohet seanca e dytë e Kuvendit, Topalli zgjidhet kryetare edhe për një investiturë tjetër 4-vjeçare

Kryetarja e kuvendit të Shqipërisë, rimandatohet Jozefina Topalli. Nga 75 deputetë, Topalli merr 74 vota

Kuvendi i Shqipërisë nisi sot pasdite rreth orës 18:15unimet e s

eancës së dytë të legjislaturës së XVIII-të, gjatë së cilës pritet të zgjidhen organet drejtuese të parlamentit të ri, kryetari dhe dy nënkryetarët. Në seancën e sotme pritet të paraqitet dhe raporti për vlefshmërinë e mandateve të deputetëve, i hartuar nga anëtarët e komisionit të përkohshëm, i cili ka shqyrtuar dokumentacionin përkatës të zgjedhjeve të 28 qershorit. Më pas, deputetët ftohen të bëjnë betimin. Sikurse dje, deputetët e Partisë Socialiste në opozitë nuk kanë marrë pjesë në seancën e sotme, pas një vendimi të marrë nga grupi parlamentar për bojkotim të punimeve të fillimit të sesionit të ri parlamentar, vendim që lidhet "me deformimin e zgjedhjeve të 28 qershorit". Kuvendi i Shqipërisë numëron 140 deputetë. Në Kuvendin e ri përfaqësohen 6 parti: PD me 68 deputetë, PS me 65, LSI me 4 deputetë, PR me 1, PDI me 1 dhe PBDNJ me 1 deputet.

Betimi i deputetëve

Sipas rregullores parlamentare, drejtuesi i seancës, Fatos Beja, lexoi tekstin e betimit dhe secili nga ligjvënësit u ngrit në këmbë duke thënë "Betohem". Në këtë seancë mungonin deputetët e Partisë Socialiste, në opozitë. Po në mbështetje të rregullores, deputetët që mungojnë në seancën kur kryhet betimi, betohen në seancën më të parë në të cilën marrin pjesë.