Zhvlerësohet leku, pritet stimulim i eksporteve

Zhvlerësimi i lekut do të shkaktojë pasoja në ekonominë e vendit. Ndërsa është një lajm i mirë për eksportuesit, pasi do të ulë kostot e këtij sektori dhe do të rrisë fitimet e kompanive. Rënia e lekut do të penalizojë importet e do të rritë cmimet. 

TIRANE- Zhvlerësimi i ndjeshëm i monedhës kombëtare lekut, pritet të stimulojë eksportet, të cilat janë prekur rëndë gjatë këtij viti nga kriza ekonomike globale. Eksportuesit shprehen se nëncmimi i lekut do të ulë kostot për ta, dhe kjo periudhë është e favorshme për ti dhënë një shtysë këtij sektori të ekonomisë.

Ndërkohë nëncmimi i lekut shqiptar është një lajm i keq për importuesit, kjo pasi pritet shtrenjtimi i mallrave të importit, cka përkthehet në rritje të cmimeve për të gjithë konsumatorët.
(e.n/News24/BalkanWeb)