Zidane përkrah Mourinhon

Drejtori i Real Madridit, Zinedine Zidane ka përkrahur trajnerin Jose Mourinho dhe beson se strategu portugez do të udhëheqë ekipin drejt suksesit, pavarësisht fillimit jo të mirë në sezonin e ri në La Liga.

Gjiganti madrilen nuk ka shënuar fitore në dy ndeshjet e fundit duke barazuar dhe humbur njërën prej tyre, por Zidane i beson Mourinhos.

“Ne jemi ekip i madh i udhëhequr nga trajneri më i mirë në botë. Besoj se futbollistët, klubi dhe tifozët kanë besim të plotë te Mourinho”, tha Zidane për ueb faqen zyrtare të Realit.