Zjarri shkrumbon disa magazina në Vlorë

Zjarri ka shkrumbuar disa magazina në këtë treg, duke shkaktuar dëme të shumta materiale. Policia bëri të ditur se nga zjarri janë përfshirë 20 magazina, 10 prej të cilave janë djegur plotësisht.

Në vendin e ngjarjes kanë mbërritur edhe zjarrëfikëset, të cilat po luftojnë me flakët në përpjekje për vënë nën kontroll dhe më pas për ti shuar ato. Zjarrfikëse nga Fieri dhe Lushnja janë nisur me shpejtësi në drejtim të Vlorës, për t’iu ardhur në ndihmë kolegëve të tyre, për shuarjen e këtij zjarri, i cili deri më tani ka shkaktuar shumë dëme materiale.

Nga informacionet e deritanishme mësohet se zjarri është shkaktuar nga një shkëndijë elektrike. Fatmirësisht nuk ka të dhëna për persona të lënduar.