Zveçan, Stefanovic bisedon me serbët e veriut

Shefi i delegacionit serb në bisedimet me Kosovën, Borisllav Stefanovic ka takuar përfaqësuesit e serbëve të veriut.

Temë e bisedimeve në Zveçan mësohet të ketë qenë situata politike dhe e sigurisë, si dhe hapat e ardhshëm në dialogun Prishtinë-Beograd.

Kemi diskutuar edhe mundësitë e zgjidhjes së mëtejshme të krizës, si dhe mundësitë për ruajtjen e qetësisë dhe të stabilitetit. Serbia, ashtu siç e ka thënë disa herë, mbështet veprimet që kanë për qëllim hetimin e krimeve, në përputhje me Rezolutën 1244 dhe me qasje neutrale ndaj statusit, ka thënë Stefanovic.

I pyetur se çfarë do ti porosiste serbët e Kosovës, Stefanovic ka thënë se Serbia do të bëjë gjithçka të mundur për të ruajtur paqen, ndërsa paqja, sipas tij, të mos arrihet në mënyrë të dhunshme. (rel)