Çështja "Sejdiu", tre deputetët serbë tërheqin firmat

Tre deputetë serbë kanë tërhequr nënshkrimet e tyre nga kërkesa e dërguar në Gjykatën Kushtetuese, për të vërtetuar nëse presidenti Sejdiu po e shkel Kushtetutën e Kosovës, duke mbajtur dy poste, atë të presidentit dhe postin e ngrirë të kryetarit të Lidhjes Demokratike të Kosovës.

Ndonëse nuk ka konfirmim zyrtar për këtë tërheqje, në mediat lokale, njëri nga deputetët serbë, Mihajlo Shqepanoviq, ka pohuar se bashkë me dy kolegët tjerë serbë, Dragisha Miriq dhe Vlladimir Todoroviq, i kanë tërhequr firmat e tyre. Pritet që tërheqja e firmave të komplikojë dhe më situatën ndonëse gjykata kushtetuese ruan të drejtën të vazhdojë me procedurën ligjore. Vetë presidenti Fatmir Sejdiu ditë më parë, ka reaguar duke thënë se nuk ka dëshmi që vërtetojnë se ai po shkel Kushtetutën.

Alsat < I mëparshmi