"Ngjyra e kuqe 2"

Kënga ”Ngjyra e kuqe”, që shënoi një ndër sukseset më të mëdha në karrierën e këngëtarit Adrian Gaxha dhe ndryshoi jetën e Florian Beqirit, do të rikthehet me pjesën e dytë.

Kështu është konfirmuar nëpërmjet faqes zyrtare të Adrian Gaxhës, në rrjetin social Facebook: "Adriani dhe Florian Beqiri në përgaditje të Ngjyra e kuqe 2".

Bashkëpunimi mes Gaxhës dhe vogëlushit nga Shkupi, ka vazhduar intensivisht pas festivalit "Kënga Magjike".
Floriani, tashmë është nën përkujdesje profesionale të Gaxhës, i cili e ndihmon në shkollim dhe zhvillim profesional. /Indeksonline/