Fest 64-Salsano Rrapi batuta me këngëtaren, “detyron” Eneda Tarifën të këndojë “Vajzat e fshatit tim” në epokën e Instagramit

Këngëtarja Eneda Tarifa, e ftuar në natën e tretë të Festivalit 64 të Këngës në Radio Televizionin Shqiptar ka kënduar në duet së bashku me Sara Kapon, këngën e njohur “Vajzat e fshatit tim”.

Pas emocioneve që dhuruan në skenë, Eneda u pyet nga prezantuesi Salsano Rrapi se si do këndohej kjo këngë në ditët e sotme teksa ka 50 vite që është krijuar dhe kënduar në festival, duke e shoqëruar me batuta.

Biseda në skenën e Fest 64:

Salasano Rrapi: E shijove fshatin?

Eneda Tarifa: Më mirë nuk bëhet.

Salsano Rrapi: Do dal pak nga skenari, kjo këngë ka 50 vjet, si mund të këndohet sot kjo këngë për vajzat e fshatit?

Eneda Tarifa: Sot është koha e internetit, e Instagramit

Salsano Rrapi: Më gjej një nga këto

Endea Tarifa: Likesh pas likesh o…shoqet në story-in tim.

Salsano Rrapi: Tag u bën shoqeve o… filtri në ballë u ndrin…

/rtsh.al/