Greqia, mirenjohje per zjarrfikesit shqiptare
Disa punonjes te reparteve te mbrojtjes kunder zjarrit moren dje diplomat e nderimit te sherbimit zjarrfikes pas ndihmes se tyre ne zjarret tragjike qe perfshine kete vere vendin fqinje. Hristos Apostolopoulos, drejtor per marredheniet me publikun ne ambasaden e Greqise ne Tirane, pohoi per "Koha Jone" se te dekoruarit jane Levend Braja, Vullnet Onjea, Afrim Cako dhe Adrian Zilfo. Ata moren diploma nderi, ne shenje mirenjohjeje nga autoritetet helene, per perpjekjet ne shuarjen e zjarreve shkaterrimtare qe goditen Greqine veren qe shkoi.
Ne ceremonine e posacme qe u zhvillua ne ambasade, ishte i pranishem ambasadori Konstandinos Kokosis i cili dorezoi diplomat dhe ministri yne i Brendshem Bujar Nishani. Po ashtu, merrnin pjese perfaqesues te sherbimeve zjarrfikese te te dy vendeve.
Kokosis, kujtoi faktin se zjarret e veres ishin dukuri qe preku, ne nivel te ndryshem, te gjitha vendet e rajonit. Ai theksoi se pala greke ka dhene ndihmen e saj ne raste analoge, duke iu referuar vecanerisht te misioni i makinave zjarrfikese para nje viti ne rrethin e Shkodres. Kokosis komunikoi se qeveria greke, ne kuadrin e Planit per Rimekembjen e Ballkanit, do te jape 50.000 euro per vepra antizjarr ne lagjen historike "Mangalem" te Beratit. E.Kurani
Foto: Kokosis-Nishani
Ambasadori helen Kokosis dhe ministri yne i Brendshem Nishani ne ceremonine e djeshme