METEO – Franca Jugperëndimore përfshihet nga një valë e të nxehtit

PARIS, 11 gusht /ATSH/- Një valë e të nxehtit përvëlues përfshiu sot Francën jugperëndimore, me temperatura deri në 43 gradë Celsius në rajonet, Charente dhe Aude, sipas AP.

Në Aude – një mozaik vreshtash dhe shkurresh mesdhetare – qindra zjarrfikës luftuan me flakët pas shpërthimit të një zjarri masiv që dogji 16,000 hektarë tokë, javën e kaluar.

Zyrtarët thanë se flakët janë nën kontroll, por paralajmërojnë se zjarri nuk do të shuhet plotësisht për javë të tëra.

Autoriteti kombëtar i motit, “Meteo-France” lëshoi alarmin e kuq në 12 rajone -paralajmërimi më i lartë i Francës – për shkak të nxehtësisë së jashtëzakonshme që ka përfshirë bregun e Atlantikut deri në fushat mesdhetare.

Alarmi i kuq është lëshuar tetë herë që nga viti 2004 – pas një vere të nxehtë vdekjeprurëse, një vit më parë.

Vala e të nxehtit, e dyta në Francë, filloi të premten dhe pritet të zgjasë gjithë javën – deri më 15 gusht. //a.i/