MOSKË – Kremlini: Rusia nuk është e përfshirë në planin e paqes për Gazën të Trump
MOSKË, 30 shtator /ATSH-DPA/- Rusia nuk është e përfshirë në planin e paqes të presidentit të SHBA-së Donald Trump për t’i dhënë fund luftës në Gaza, tha sot Kremlini.
“Nuk ka patur sinjale nga amerikanët”, tha zëdhënësi i Kremlinit, Dmitry Peskov në Moskë, sipas agjencisë shtetërore të lajmeve TASS.
Megjithatë, ai tha se Rusia mbështet përpjekjet e Trump.
“Shpresojmë që ky plan të zbatohet dhe se do të ndihmojë në zgjidhjen e ngjarjeve në Lindjen e Mesme drejt një kursi paqësor”, tha Peskov.
Ai shtoi se Rusia, tradicionalisht mban kontakte me të gjitha vendet në Lindjen e Mesme dhe është e gatshme të kontribuojë në një zgjidhje paqësore.
Pas një takimi me kryeministrin izraelit Benjamin Netanyahu dje në Uashington, Trump njoftoi planin e paqes në Gaza.
Ai synon t’i japë fund luftimeve dhe largimin e lëvizjes islamiste palestineze “Hamas” nga pushteti në Gaza. //a.i/