Manjani: Referendumi, loje politike e Ilir Metes

Partia Socialiste hodhi poshte pretendimin e LSI-se qe referendumi te mbahet me kerkese te 50 mije shtetasve shqiptare me te drejte vote. Sekretari per ceshtjet ligjore prane PS, Ylli Manjani, vleresoi se referendumi kushtetues nuk mund te mbahet ne kushtet kur 28 firmat e deputeteve mungojne. Sipas tij, iniciativa e LSI nuk hyn ne piken e pare te nenit 150, te Kushtetutes, qe parashikon mbajtjen e referendumit me 50 mije firma, nga populli, per ceshtje te nje rendesie te vecante. "Kjo eshte nje loje politike e Ilir Metes per interesat e tij krejt personale. Ne kushtet kur sistemi i ri zgjedhor i ka dhene fund endrres se tij kryeministrore dhe kjo loje zhvillohet ne kushtetet kur grupimi i tij politik nuk po sillet me si parti, por si SHPK me pronar te vetem Ilir Meten", u shpreh Manjani gjate fjales se tij. Por, duke vijuar me tej kundervenien me LSI-se, e konkretisht me kryetarin e kesaj partie, Ilir Meta, sekretari socialist vuri ne dukje se "Kushtetuta, pas se ciles fshihet zoti Meta, e thote qarte se referendumi kushtetues iniciohet nga dy te tretat e deputeteve, ose nga 28 firma te deputeteve, firma te cilat zoti Meta nuk i mblodhi dot, sepse, pervec deputeteve te vet, qe bejne sikur nuk e kuptojne, te gjithe te tjeret e dine shume mire se kjo eshte nje loje per interesat e tij personale". Kesisoj, me sa duket, perplasjet mes PS dhe LSI-se jo vetem qe po thellohen me tej, por tashme dhe per nje ceshtje mjaft te rendesishme, sic eshte kerkesa per referendum popullor.