Masa elektrike shkrumbon maunen me gur dekorativ
BERAT - Nje mjet tip trajner, e ngarkuar me pllaka guri, eshte perfshire nga flaket ne aksin rrugor nacional Berat-Fier, mesditen e djeshme. Makina me targa VL0694C, qe udhetonte ne drejtim te qytetit te Vlores, ne vendin e quajtur "Qafa e Sqepurit", eshte perfshire befasisht nga flaket ne pjesen e perparme. Drejtuesi A. Kapaj, sipas policise, kishte ngarkuar mjetin me pllaka guri dhe po udhetonte ne drejtim te qytetit bregdetar. Sapo ka pare qe nga pjesa kryesore e makines ka dale tym, drejtuesi i mjetit ka dale ne ane te rruges, ku dhe ka konstatuar flaket e zjarrit qe kishin perfshire pjesen qendrore. Per afro 30 minuta, rruga kryesore qe lidh Beratin me Fierin eshte bllokuar ne te dy anet e saj. Punonjesit zjarrfikes kane fikur krejtesisht flaket e zjarrit, duke mos lejuar perhapjen ne pjesen e pasme te mjetit ngarkuar me pllaka guri. Nga hetimet e para ne vendin e ngjarjes mesohet se shkak i renies se zjarrit ne mjetin tip maune eshte bere nje mase elektrike e shkaktuar ne baterine e maunes. Demi mesohet se kap shifren e rreth 3,5 milione lekeve. E.H