Burrat zhdepin grate, bien ne qeli
E ndersa autoritetet me te larta shteterore deklarojne shtrengimin e politikave ndeshkuese me ligj per burrat qe dhunojne grate, dy ditet e fundit kane shenuar po kaq precedente penale te rende ne Durres dhe Elbasan. Dy persona u arrestuan nga policia pas denoncimit te bashkeshorteve per plagosje e dhune sistematike psikike e fizike. Policia e Elbasanit beri te ditur dje se kishte arrestuar te dyshuarin Shpetim Cela, 50 vjec, banues ne lagjen "Emin Matraxhiu". Shkak eshte bere keqtrajtimi i gruas, pas nje grindjeje banale, kurse hetimet po kryhen ne gjendje te lire, pasi Cela u mbajt per disa ore i izoluar dhe u keshillua. Burime policore thane se 45-vjecarja ka pesuar demtime te lehta ne pjese te ndryshme te trupit dhe ka bere vete denoncimin ne komisariat. Nderkohe qe, dy dite me pare, uniformat blu ne Durres ndaluan ne flagrance Luan Macken, 40 vjec, pasi ishte denoncuar nga bashkeshortja per plagosje. Ngjarja ka ndodhur ne lagjen nr. 13 te qytetit bregdetar, ndersa pervec grushteve e shkelmave te perdorur, 40-vjecari ka kercenuar te shoqen me jete, nese do e denonconte. F.S/K.J