Pakt me mjeket e ushtarakut

Ministri i Shendetesise dhe ai i Mbrojtjes, Fatmir Mediu, kane takuar mjeket e spitalit, duke u kerkuar nje jave afat per te vendosur fatin e pavijonit te traumes. Kercenimi i personelit mjekesor te Spitalit Ushtarak per te nderprere operacionet ka dhene rezultatet e para pozitive. “Qellimi i vetem eshte qe QSUT-ja, te pajiset me te gjitha llojet e sherbimeve dhe do te transferohet vetem Ortopedia, ndersa qendra e Traumes nuk do te preket”, eshte shprehur gjate fjales se tij ministri Ndoka. Por edhe ministri i Mbrojtjes, Fatmir Mediu, ka negociuar me 52 mjeket e traumes dhe u ka siguruar se nuk do te kete nje shkrirje te ketij pavijoni. Nderkohe, vete mjeket nuk kane besim ne keto premtime te ministrave. Sipas tyre, do te pritet vendimi qe do jepet pas nje jave nga te dy ministrat dhe me pas do te jene ata qe do te organizojne protesta, ose do te pranojne ndarjen e nje pjese te pavijonit.
Vetem pak dite me pare, Ndoka ka pohuar se nuk behet fjale per levizjen e te gjithe pavijonit, por vetem per nje pjese te tij. “Sherbimi i Traumes se bashku me pjesen e ortopedise do te qendroje ne varesi te Spitalit Ushtarak. Ne QSUT do te kryhen konsultat ortopedike dhe operacionet e planifikuara, ndersa traumat do te trajtohen ne Spitalin Ushtarak”, eshte shprehur pak dite me pare ministri i Shendetesise, Nard Ndoka.