"Reforma, jo cenim i personaliteteve"

Anisa Ymeri
Qendrim mbi ate cka po ndodh me reformen ne Akademine e Shkencave, pati dje edhe nga zyra e shtypit te Kryeministrit Sali Berisha. Ne nja deklarate, zedhenesja Juela Mecani, eshte shprehur se "reforma ne Akademine e Shkencave dhe institucionet e kerkimeve shkencore eshte nje reforme jetike per shkeputjen nga nje model sovjetik universalisht i deshtuar ne misionin e tij dhe rivendosjen e Akademise se Shkencave dhe te kerkimit shkencor ne modelin e suksesshem bashkekohor perendimor". Mirepo, dic e tille ka me se 2 vjet qe perseritet, dhe ka qene pikerisht ky fakt qe ka sjelle mjaft debate per kete reforme mes qeverise dhe akademikeve, qe nuk kane qene fare pjese e procesit te reformimit te Akademise ku jane anetare. Mirepo, per te gjitha interpretimet, sidomos ato te diteve te fundit nga akademiket, per perjashtimin e shume personaliteteve nga anetaresia e saj, me nje projektligj te ri, Mecani shprehet: "Te gjitha interpretimet e tjera jane te gabuara dhe Kryeministri Berisha shpreh keqardhje te thelle per to, pasi reforma nuk synon te cenoje apo lendoje asnje personalitet. Ne te kundert, Kryeministri Berisha beson se ne organizimin e ri te Akademise se Shkencave, personalitete te nderuara si Ismail Kadare e te tjere do te mund te vazhdojne te japin kontributin e tyre te shquar ne jeten akademike te vendit". Po si do te jete e mundur kjo?! Pasi, sipas Nenit 6/1 te projektligjit te ri per Akademine e Shkencave, i cili lehtesisht mund te gjendet edhe ne faqen zyrtare te internetit te Kryeministrise, shkruhet shprehimisht: "Statusi i anetarit te rregullt dhe i atij te asociuar perfundon kur anetari: a) mbush moshen 70 vjec".
Ndaj kesaj deklarate padyshim qe kane qene te vemendshem me shume se kushdo akademiket. Eduard Sulstarova, sekretar i Pergjithshem shkencor i ASH-se, shprehet: "Mendjen e akademikeve per pune s'mund ta ndaloje Kryeministri dhe askush tjeter. Por me kast, ajo qe po ngaterrohet dhe per te cilen po abuzohet, duke thene se puna e tyre s'do te ndalet. Eshte fakt qe sipas ketij projektligji qe po qarkullon, akademiket e shquar, Dritero Agolli, Shaban Demiraj, Ismail Kadare, Kristo Frasheri, Ylli Popa etj., nuk do te jene me pjese e akademise. Ata s'do te kene me titullin akademik sipas projektligjit, pasi ai i perjashton nga te qenit pjese e Asamblese se Akademise se Shkencave. Nese merr titullin akademik e mban ate deri sa te vdesesh". E nese ky projektligj, do te shnderrohet ne ligj ne Kuvendin e Shqiperise, atehere nje gje eshte e sigurt, keto personalitete dhe te tjere qe mbajne titullin akademik, nuk do te mund ta mbajne me kete titull, pasi neni 6/1 eshte teper i qarte qe ne piken e tij te pare, duke i perjashtuar automatikisht te gjithe anetaret e ASH-se mbi moshen 70 vjec.
Akademiket nga ana e tyre nuk kane reshtur se dheni prononcimet e tyre, dhe duke shprehur habine e madhe me ate qe po ndodh. Kane mbajtur qendrim, dhe cdo here premtojne se do te luftojne me cdo rruge demokratike qe kjo akademi te mos shkaterrohet. Por, se paku, ne fund te deklarates se zedheneses Juela Mecani, duket se i ka qetesuar per dicka, duke pohuar se "Kryeministri Berisha siguron se jo rritja, por shumefishimi i mbeshtetjes buxhetore per boten akademike dhe kerkimin shkencor, qe jane elita e vendit, eshte objektiv madhor i qeverise se tij".
Sulstarova: Mendjen e Akademikeve s'e ndal Kryeministri
"Mendjen e akademikeve per pune s'mund ta ndaloje Kryeministri dhe askush tjeter. Por me kast, ajo qe po ngaterrohet dhe per te cilen po abuzohet, duke thene se puna e tyre s'do te ndalet. Eshte fakt qe, sipas ketij projektligji qe po qarkullon, akademiket e shquar, Dritero Agolli, Shaban Demiraj, Ismail Kadare, Kristo Frasheri, Ylli Popa etj., nuk do te jene me pjese e akademise. Ata s'do te kene me titullin akademik sipas projektligjit, pasi ai i perjashton nga te qenit pjese e Asamblese se Akademise se Shkencave. Nese merr titullin akademik e mban ate deri sa te vdesesh".

Neni 6/1
Perfundimi i anetaresise ne Akademi dhe plotesimi i vendeve vakante
1. Statusi i anetarit te rregullt dhe i atij te asociuar perfundon kur anetari:
a) mbush moshen 70 vjec
b) jep doreheqjen
c) zgjidhet apo emerohet ne funksione drejtuese ne parti politike apo organe kushtetuese
c) deklarohet i paafte per te vepruar, me vendim gjyqesor, te formes se prere
d) denohet me vendim gjyqesor, te formes se prere, per kryerjen e nje krimi
dh) shkarkohet me dy te tretat e votave te te gjithe anetareve te Asamblese per akte e sjellje, qe diskreditojne rende figuren e anetarit te Akademise
e) vdes