SHBA – Hegseth: Puna jonë është të përgatitemi për luftë dhe ta fitojmë atë
UASHINGTON, 30 shtator /ATSH/- Puna jonë është të përgatitemi për luftë dhe ta fitojmë atë, tha shefi i Pentagonit Pete Hegseth gjatë një fjalimi, në Quantico para qindra gjeneralëve amerikanë, sipas Skytg24.
“Ne duam paqe përmes luftës”, shtoi sekretari amerikan i Mbrojtjes, duke folur për një “moment vendimtar”.
“Mirë se vini në Departamentin e Luftës. Epoka e Departamentit të Mbrojtjes ka mbaruar”, tha Hegseth, në Quantico.
Në fillim të shtatorit, presidenti Donald Trump lëshoi një urdhër ekzekutiv duke e riemëruar Pentagonin, si Departamentin e Luftës – me emrin e tij para vitit 1947.
“Udhëheqësit politikë të pamatur kanë vendosur busullën e gabuar dhe ne kemi humbur rrugën. Jemi bërë “departamenti i zgjuar”, tha shefi i Pentagonit, duke njoftuar qëllimin e tij për të zhbërë “dekadat e rënies”.
“Dekadat e rënies” i referohen një periudhe të zgjatur përkeqësimi të kushteve, në sektorë specifikë si rënia e produktivitetit në industrinë e ndërtimit në SHBA që nga viti 1970, ose një gjendjeje të përgjithshme shoqërore si “Epoka e Rënies”.
“Për një kohë shumë të gjatë, ne kemi promovuar udhëheqës për arsyet e gabuara, bazuar në racën e tyre, kuotat gjinore, të ashtuquajturat të dhëna historike”, tha Hegseth.
“Tani, duhet të pastrojmë “mbetjet”. Po i japim fund luftës kundër luftëtarëve”, tha ai. //a.i/