“Shqipëria nuk është në shitje”/ Në 18:00 sërish protestë kundër projektit në Zvërnec
Qytetarët pritet të mblidhen sërish sot në orën 18:00 në sheshin kryesor të Tiranës, në një protestë kundër projektit në zonën e Zvërnecit, i cili ka shkaktuar debat të gjerë publik dhe reagime të forta ditët e fundit.
Me sloganin “Shqipëria nuk është në shitje”, protestuesit pritet të zhvillojnë një marshim në disa prej rrugëve kryesore të kryeqytetit, duke shprehur kundërshtinë e tyre ndaj ndërhyrjeve që, sipas tyre, prekin zonat e mbrojtura dhe interesin publik.
Organizatorët kanë deklaruar se protesta vjen në vijim të zhvillimeve të fundit në Zvërnec, ku janë regjistruar edhe tensione dhe përplasje.