Urdhri, hiqet ngrohja me gaz nga kopshtet
Sonila Isaku
Gazi i lengshem nuk do te perdoret me si burim ngrohjeje per kopshtet dhe cerdhet. Ky ka qene vendimi me i fundit, qe eshte marre para disa ditesh nga Drejtoria e Shendetit Publik, por qe eshte bere publik vetem dje. Nga keto kontrolle ka rezultuar se femijet thithin ajer te ndotur, qe shpeshhere perben problem per shendetin e tyre. Do te jete Bashkia e Tiranes dhe DSHP, te cilat do te marrin masat e para per permiresimin e cilesise se ajrit respirues te femijeve ne keto institucione. Keto dy institucione po punojne per venien ne pune te kaldajave, sobave me dru ose burime te tjera alternative, te cilat nuk ndikojne ne ndotjen e ajrit ne keto ambiente. Sipas Sektorit te Higjienes Shkollore ne DSHP, kjo mase e ndermarre do te mbroje shendetin e femijeve nga clirimi i gazrave helmues gjate djegies se lengut, qe perdoret per ngrohje. Nisma parashikon qe te eliminoje ngrohjen me gaz ne 25 kopshte dhe 49 cerdhe.
Aktualisht, femijet e kopshteve dhe te cerdheve ngrohen ne kushte rrethanore edhe gjate ketij viti. Ashtu si vitet e kaluara, sobat e gazit jane i vetmi "shpetim" ne kete dimer. Ndonese gjate ketyre viteve te fundit nje pjese e mire e ketyre institucioneve arsimore jane rikonstruktuar, nuk eshte menduar per vendosjen e kaldajave apo per menyren e ngrohjes. Inspektimet e kryera ne fund te vitit akademik nga Drejtoria e Shendetit Publik treguan se u pa problematike thuajse ne te gjitha nivelet para arsimore, cerdhet dhe kopshtet, mungesa e ngrohjes. "Pergjithesisht, neper te gjitha keto institucione parashkollore perdoreshin ngrohesit me gaz dhe ndonjehere kur kishte energji viheshin edhe reflektoret me korrent. Por perdorimi i gazit nuk eshte i keshillueshem per femijet, sidomos ato te moshave te vogla", thuhet ne relacionin me te fundit, qe u eshte bere ketyre institucioneve arsimore. Ndonese nje shkrese, ku kerkohej marrja e masave, iu drejtohej institucioneve qe kane ne pergjegjesi kopshtet dhe cerdhet, por edhe femijet, perseri situata vazhdon te jete e njejte. I vetmi ndryshim ka qene vendimi i para pak diteve per heqjen e gazit dhe gjetjen e burimeve alternative.
Gazi i vetmja menyre ngrohjeje
Mungesa e energjise per ore te zgjatura sidomos gjate paradites ka detyruar drejtuesit e cerdheve dhe te kopshteve qe te gjejne nje tjeter menyre per tu ngrohur. Ashtu si dhe ne shtepite e tyre kane preferuar qe gazi te jete shpetimtari i te ftohtit te ketyre diteve. Blerja e nje ngrohesi qe furnizohet me gaz ka qene me pak i kushtueshem per keto institucione. Ka qene edhe zgjidhja me e lehte dhe me e shpejte per ta. Por, keta drejtues kane harruar te "analizojne" edhe anet e keqija qe sjell djegia e tij ne ambientet ku rriten femije te vegjel. Sipas specialisteve te Drejtorise se Shendetit Publik djega e gazit shkakton probleme dhe ndotje te konsiderueshme ne ajrin respirues qe thithet nga te vegjlit. Derisa, kufizimet e energjise elektrike te vazhdojne dhe derisa te vije pranvera femijet e kopshteve dhe te cerdheve do te vazhdojne te ngrohen me gaz, nese institucionet perkatese nuk marrin asnje mase.
Ngrohes nga shtepia
Nje pjese e cerdheve dhe e kopshteve i kane blere ngrohesit me buxhetin e tyre. Por ata qe nuk kane pasur nje buxhet te mjaftueshem, problemi i ngrohjes eshte zgjidhur nga prinderit e femijeve. Nje pjese duke sjelle ngrohes nga shtepia dhe nje pjese tjeter duke mbledhur te ardhurat e nevojshme ne menyre te barabarte nga te gjithe. Keto kane qene edhe zgjidhjet qe jane bere per institucionet e sistemit para-arsimor ne pjesen derrmuese te vendit. Fillimisht kane qene vete prinderit te cilet kane propozuar keto zgjidhje per te mbrojtur shendetin e femijeve te tyre. Por shume here kane qene edhe propozimet e drejtuesve te ketyre institucioneve para-arsimore kundrejt prinderve per zgjidhjen e problemit.