Universitet, kater kandidate zyrtare ne gare per rektor
Dy ish-dekane dhe dy shefa departamenti jane kandidaturat qe do te garojne per drejtimin e Universitetit te Tiranes. Dje ishte edhe afati i fundit per shpalljen e kandidaturave per postin e rektorit dhe emrat qe garojne jane vetem kater. Shefja e Katedres se Historise ne Fakultetin Histori- Filologji, Valentina Duka, dekani i Fakultetit te Ekonomise, Dhori Kule, dekani i Fakultetit te Shkencave te Natyres, Llukan Puka, si dhe shefi i Departamentit te Marketingut ne Fakultetin e Ekonomise, Bardhyl Ceku, jane kater emrat qe do te garojne mes tyre. E ndersa dy emrat e pare e kane deklaruar haptazi kandidaturen e tyre para se te fillonte ky proces zgjedhor, Puka dhe Ceku kane marre vendimin vetem gjate dites se fundit, kur mbyllej edhe afati per dorezimin e emrave per rektore." Vetem njeri nga kandidatet do te shpallet rektor i Universitetit te Tiranes pas nje muaji, ne daten 10 janar 2008", u shpreh dje kryetari i Komisionit Qendror te Zgjedhjeve ne Institucionet Publike te Arsimit te Larte, Enver Roshi. Sipas tij, duke filluar nga dita e sotme, ky komision do te zyrtarizoje kandidatet me listat e tyre mbeshtetese. Ashtu si dhe percaktohet ne rregullore, te gjithe kandidatet do te renditen ne lista te vecanta per cdo post autoriteti drejtues me vete. Per organet drejtuese, listat do te jene te vecanta, sipas organeve drejtuese (Senat Akademik/Keshill i Administrimit/Keshill i Fakultetit) dhe per perfaqesues, sipas kategorive te ndryshme te trupes zgjedhore.
Kandidaturat
Valentina Duka shefe e Katedres se Historise ne Fakultetin Histori- Filologji
Dhori Kule dekani i Fakultetit te Ekonomise
Llukan Puka dekan i Fakultetit te Shkencave te Natyres
Bardhyl Ceku shefi i Departamentit te Marketingut tek Ekonomiku
Listat emerore, me 20 dhjetor
Pas dorezimit te emrave per rektore dhe dekane, Komisioni Qendror i Zgjedhjeve ne Institucionet Publike te Arsimit te Larte do te punoje per listat e kandidateve per te gjitha postet drejtuese ne fakultete, te cilat do te jene gati ne 20 dhjetor. Pas kalimit te ketij afati, ky komision do te afishoje listat e kandidateve per postet e autoriteteve drejtuesee; rektor dhe dekan, bashke me listat e tyre mbeshtetese. Nderkohe qe nje tjeter afat eshte lene per listat e kandidateve per pergjegjes te njesive baze, si dhe listat e kandidateve per organet drejtuese. Sipas rregullores, kerkohet qe keto lista te vendosen ne mjedise te dukshme te institucionit dhe fakulteteve perberese te tij dhe jo me vone se dhjete dite nga data e konstituimit te tyre.