ZMQ: Gjykatat, njesoj si supermarketet

Drejtori Ekzekutiv i Zyres per Mbrojtjen e Qytetareve, Aldo Shala, deklaroi se ne Shqiperi drejtesia eshte kthyer ne treg dhe pallatet e ketij sistemi ne supermarkete. Ne nje tryeze te shoqerise civile, te organizuar dje ne kuader te luftes kunder korrupsionit, drejtuesi i ZMQ-se e konsideroi sistemin e drejtesise si nje nga me te prekurit nga dukuria e korrupsionit.
"Pallatet e Drejtesise Shqiptare nuk jane me Pallate Drejtesie, por jane supermarkete, ku nuk fitohet dhe nuk jepet me e drejta, por kjo e drejte shitet dhe blihet. Shqiptaret duhet te mesohen, qe ta fitojne te drejten dhe jo ta blejne ate", deklaroi Shala, duke theksuar se jane vete gjyqtaret ata qe kerkojne pará per te dhene drejtesi. Sipas tij, klasa politike ne vend duhet te beje hapa konkrete per te luftuar korrupsionin ne sistemin e drejtesise.
"Shume flitet per drejtesine, si nga politika dhe shoqeria civile, por ne asnje rast nuk dilet ne hapa konkrete per te sheruar drejtesine, e cila duhet te sheroje te gjithe shoqerine shqiptare, per te dale nga semundja e korrupsionit", tha drejtuesi i ZMQ-se, duke theksuar se reforma ne kete sistem duhet t'i jape zgjidhje problemit te korrupsionit. Sipas tij, reforma ne sistemin e drejtesise duhet te jete nje nga shqetesimet kryesore te shoqerise, pasi drejtesia eshte shkalla e fundit ku mund te drejtohen njerezit per te fituar te drejtat e tyre.
Reformoni Prokurorine e Pergjithshme
Drejtuesi i ZMQ-se, Aldo Shala, propozoi dje qe reforma ne drejtesi duhet te fokusohet ne trupen gjyqesore dhe ne Prokurorine e Pergjithshme. Sipas tij, politika dhe shoqeria duhet te fokusohen tek kriteret, qe duhet te zbatohen ne rekrutimin dhe promovimin e gjyqtareve, prokuroreve e avokateve, duke i pare ata si ne vlerat e tyre profesionale, ashtu dhe ato njerezore. Drejtuesi i ZMQ-se theksoi se reforma nuk duhet te fokusohet te sistemi i drejtesise shqiptare, pasi ky sistem perbehet dhe zbatohet nga njerezit.
Per korrupsionin:
Majlinda Bregu
"Sot nuk ka me monopole qeveritare, nuk ka me zyrtare ne konflikt interesi ne asnje nivel te qeverisjes qendrore dhe ka gjithnje e me shume pará qe shkojne ne arken e shtetit dhe jo ne xhepa zyrtaresh te korruptuar. Si rezultat i perpjekjeve tona antikorrupsion, qytetaret jane gjithnje e me teper te bindur se kjo qeveri do te vazhdoje luften pa kompromis. Nga viti 2006 ne vitin 2007 eshte pergjysmuar mosbesimi ndaj masave te qeverise".
Filloreta Kodra
"Fitorja e vetme e qeverise ne luften kunder korrupsionit eshte radhitja e Shqiperise nder vendet me te korruptuara te botes dhe per pasoje shqiptaret jane me shpresehumbur se kurre se me kete qeverisje ata mund te jetojne me mire. Sot, ne Diten Nderkombetare te Luftes Kunder Korrupsionit shqiptaret perjetojne pasojen e drejtperdrejte te kesaj dukurie keqqeverisese dhe shperfilljen e te drejtes themelore te qytetareve, te drejten per te jetuar me dinjitet".
Arian Madhi
"Ne nuk jemi te mendimit se korrupsioni vjen per shkakun e thjeshte se na mungon kuadri ligjor, perkundrazi, elemente te korruptuar, individe te korruptuar rrisin permasat e korrupsionit, ne vartesi te monitorimit qe i behet ketij procesi nga institucionet pergjegjese. Besoj se ndaj te njejten bindje me te gjithe operatoret politike ne Shqiperi, qe tashme shume shpejt do te realizojme me sukses reformen ne drejtesi".