Pensionistet, shperblim per festat e fundvitit

Te gjithe pensionistet pritet te gezohen ne kete fund viti me nje shperblim nga qeveria. Burime zyrtare nga Ministria e Financave bene te ditur dje per “Koha Jone”, se ka filluar te diskutohet vendimi per shperblimin e pensionisteve, por gjithcka eshte ende ne faze projekti. “Ende nuk mund te themi konkretisht se sa do te jete kjo mase, por mendojme se do te jete e njejte me vitin e kaluar, pra rreth 5 mije leke”, deklaruan te njejtat burime. Ende gjithcka eshte ne fazen e diskutimeve dhe pritet qe kete jave te mund te thuhet dicka me konkrete per perfitimet shtese, qe do te kete kjo kategori per festat e fundvitit. Megjithate, per te thene perfundimisht se kur dhe sa do te jete shperblimi per moshen e trete do te pritet reagimi i Kryeministrit, Sali Berisha, si dhe do te shikohen mundesite qe ka buxheti i Institutit te Sigurimeve Shoqerore. Duke qene se vitin e kaluar efekti financiar i shperblimit prej 5 mije lekesh per te gjithe pensionistet arriti ne rreth 27 milione dollare mendohet qe edhe kete vit do te jete nje shifer e perafert. Megjithate, ne rast se buxheti i ISSH-se nuk do te arrije te permbushe nevojat, atehere do te nderhyje Ministria e Financave per te plotesuar fondin e nevojshem per shperblimin e pensionisteve.

Ne rast se edhe kete vit do te aplikohet e njejta skeme, si vitin e kaluar, atehere pritet qe te perfitojne rreth 536 mije pensioniste ne te gjithe vendin. Per te bere te mundur dhenien e ketij shperblimi pritet qe qeveria te miratoje nje dekretligj, i cili do t’i hape rruge procedurave te metejshme per shperblimin e kesaj kategorie. Me pas do te jete Kuvendi i Shqiperise, i cili do te miratoje dekretligjin, qe do t’i hape rrugen shperndarjes se ketij shperblimi. Pas miratimit te dekretligjit, do te nise hartimi i listave te emrave dhe pergatitjes se urdher-pagesave, qe do te shperndahen ne zyrat e postes, ku behet edhe shperndarja e pensioneve. Mendohet qe ky shperblim te shperndahet ne 10 diteshin e fundit te ketij muaji ne menyre qe te gjithe pensionistet te mund te marrin shumen prej 5 mije lekesh, qe pritet te jepet ne forme shperblimi. Nderkohe, mesohet se pas rritjes se fundit, qe iu be pensioneve per disa kategori ne muajin korrik, per festat e fundvitit nuk do te kete kategorizime per pensionistet, pasi shperblimin prej 5 mije lekesh do ta marrin te gjithe, si pensionistet ne fshat dhe ata ne qytete. Ne kete menyre, pensionistet, pervec shtesave te bera gjate 6 muajve te fundit, do te marrin dhe nje bonus prej 5 mije lekesh.