Zjarr në një pallat te “Komuna e Parisit”, digjet apartamenti në katin e shtatë, dëme edhe në dy të tjerë
Paraditen e së dielës (3 maj) një zjarr dogji një apartament në katin e shtatë të një pallati te zona e “Komunës së Parisit”, si dhe shkaktoi dëme të konsiderueshme në dy apartamentet e dy kateve më lart.
Dëmet ishin të konsiderueshme, por fatmirësisht nuk pati asnjë person të lënduar.
Shërbimi zjarrfikës mbërriti menjëherë sapo u njoftua nga banorët dhe vuri nën kontroll flakët, duke parandaluar përhapjen e tyre në apartamente apo gjithë godinën.
Deri tani ende nuk dihet shkaku i flakëve, ndërsa Policia po mbledh të gjitha provat për të faktuar shkakun.
/rtsh.al/