10 vjet burgim për vrasje
Nga Express më 15 korrik 2011 në ora 13:48
Një trup gjykues i përbërë prej tre gjykatësve të EULEX-it në Gjykatën e Qarkut në Mitrovicë ka shpallur Sami Zeqirin fajtor dhe e ka dënuar me 10 vjet burgim për veprën penale të vrasjes.
"I pandehuri është akuzuar nga një prokuror i EULEX-it i Qarkut të Mitrovicës për vrasjen e një personi dhe tentim-vrasjen e një tjetri, duke gjuajtur nga pistoleta e tij gjatë një përleshjeje në vitin 1995, në Mitrovicë", thuhet në komunikatën e misionit evropian.
Sipas së njëjtës, Zeqiri është liruar nga akuza për tentim-vrasje.