100 vjetori i Nënë Terezës, konferencë përkujtimore

Në kuadër të festimeve për 100 vjetorin e lindjes së Nënë Terezës, Ministria e Kulturës, nën kujdesin e kryeministrit Berisha, ka organizuar një konferencë përkujtimore për të nderuar figurën e humanistes, ku morën pjesë autoritete shtetërore, përfaqësues të komuniteteve fetare, studiues e personalitete të kulturës.

“Gonxhe Bojaxhi është njeriu i humanizmit në një shekull me intolerancë humane. Misioni i saj ka qenë mendja dhe zemra njerëzore”, tha ministri i Kulturës, Ferdinand Xhaferri. Mes te tjerësh folën edhe krypeshkopi Anastas Janullatos dhe në harmoninë e bashkëjetesës së besimeve të ndryshme fetare në Shqipëri, nuk munguan edhe perfaqesues të komunitetit mysliman, si kryetari i tij Sali Muca dhe i dërguari, përfaqesues i Kryegjyshit Botëror të Bektashinjve, Haxhi Dede Reshat Bardhi.

Gjate konferences folen edhe studiues, mes te tjeresh Prof. Anton Berisha, u recituan vargje dhe citate nga Nene Tereza, ndersa ne hollin e TKOB, ku u zhvillua aktiviteti, u cel ekspozita “Nene Tereza ne shtypin shqiptar” pergatitur nga Mehemt Gezhilli. Ne 100 vjetorin e lindjes se humanistes, MTKRS e ka shpallur 2010-en si Viti Nene Terezes, gjate te cilit do t’i dedikohen nje sere aktivitetesh te tjera.