5 per qind, ulja e detyrimit qe duhet paguar
Hyrja ne fuqi e ligjit per ndryshimin e mases se kontributeve, parashikohet te shoqerohet me rritjen e numrit te kontribuuesve ne skeme, cka do te mundesoje dhe permiresimin e skemes dhe balancimin e te ardhurave, qe do te shkojne ne ndihme te pensionisteve. Nje veprim i tille synon te ule dhe gamen e punesimeve ne te zeze, duke mundesuar keshtu uljen e shkalles se informalitetit ne subjektet e bizneseve te ndryshme qe operojne ne vendin tone. Ashtu sic eshte deklaruar, shpenzimet e skemes do te mbulohen me financime shteterore, sic jane ato te rritjes se pensioneve me shume se indeksi vjetor i cmimeve, ose nga subvencione te tjera te domosdoshme, veprime keto qe do te synojne balancimin e te ardhurave me shpenzimet, kur kontributet nuk mjaftojne. Per kete arsye dhe ne baze te rezultatit financiar te cdo dege sigurimi, ne tre vitet e fundit, reduktimi i mases se kontributit, me nje total prej 5 per qind, do te kete efekt ne te gjitha deget, duke prekur sa me pak degen e pensioneve, e cila mbetet ende deficitare. Nga ana tjeter, zbatimi i vendimit per uljen e normes se kontributeve shoqerore, nga 1 maji nuk do te ndikoje ne reduktimin e mases se perfitimit mujor, me te cilen trajtohen aktualisht pensionistet. Madje, kesaj pagese do t'i shtohet edhe rritja e propozuar nga qeveria, efektet e se ciles do te nisin qe nga muaji maj i ketij viti, per te gjitha kategorite perfituese. Specialistet e Institutit te Sigurimeve Shoqerore pohojne se ulja me 5 per qind e takses per pensionet, nuk do te ndikoje ne fondin e pensioneve, per faktin se keto fonde jane programuar per buxhetin e vitit 2009. Gjithashtu, shpjegohet se ulja me 5 per qind e mases se kontributeve, do te jape efekte te uljes se kostos se bizneseve per mbi 14 per qind. "Efektet financiare te ketij reduktimi, ne total parashikohen te jene rreth 8 miliarde leke, nga te cilat 5 miliarde jane efekte ne ulje, te kostos se bizneseve. "Ne nuk kemi te bejme fare me ndonje prekje te fondit apo me ndonje rrezik te tij per pensionistet, perkundrazi, eshte parashikuar qe pervec kesaj uljeje, qe do te filloje te zbatohet nga data 1 maj, po ne kete date fillon dhe rritja e radhes e pensioneve me 10 per qind ne qytet dhe 15 per qind, per ato te fshatit".