75 vjet burg per "Kompas"
TIRANE - Shtate te pandehurit e procesit "Kompas" u denuan dje me 75 vjet e 6 muaj burg. Pas tre vitesh gjykime, togat e zeza te Gjykates se Krimeve te Renda, deklaruan dje fajtore Arjan Selimin (Armand Andoni), Muhamet e Blenard Fejzullahun, Fatmir Kucin, Petraq Avramin, Arian Xhemalin (Shabani) dhe Kujtim Popocin per kryerjen e
veprave penale te "trafikut te lendeve narkotike", duke u bazuar vetem ne provat e sjella nga Italia kunder tyre. Vetem njeri nga tete te pandehurit, Dritan Kuci qe u hetua dhe gjykua ne mungese u deklarua i pafajshem per mungese te provave. Keshtu Arjan Selimi u denua dje me 16 vjet burg, po aq u denua dhe Arjan Xhemali, ndersa me 15 vjet burg u denua Kujtim Popoci. Per Petraq Avramin gjykata dha denimin me 10 vjet burg, ndersa per Blenard Fejzullahun dhe Fatmir Kucin u dha nga 6 vjet dhe 6 muaj heqje lirie. Me pak u denua Muhamet Fejzullau, te cilit iu caktuan 5 vjet e 6 muaj burg. Denimet e te pandehurve te dosjes "Kompas" u dhane vetem 30 minuta pasi mbrotjea kishte thene fjalen e saj te fundit. Per te pandehurit e operacionit "Kompas" te arrestuar me buje gjate vitit 2005 ne Shqiperi, SHBA dhe Itali, nje seance me pare prokuroria kerkoi shpalljen e tyre fajtore dhe denimin me 75 heqje lire me akuzen e "trafikut nderkombetar te lendeve narkotike ne bashkepunim". L.Bakillari