‘Zëri i shoqërisë civile në luftë kundër korrupsionit’

Ai ishte i pranishëm në një konferencë për këtë qëllim, duke shtuar se “shoqëria shqiptare vuan për fuqizimin e vullnetarizmit, i cili është i pazëvendësueshëm për një shoqëri". Ai tha se ky term fisnik, "i degraduar në të shkuarën në disa forma absurde, humbi kuptimin e tij, ndërkohë që është i pazëvendësueshëm për një shoqëri, pasi e bën një shoqëri shumë më të njerëzishme".    

Sipas kryeministrit, kemi një bazë të vullnetarizmit në solidaritetin e shkëlqyer të vlerave të familjes.

"Pak kund sa në Shqipëri anëtarët e familjes i shërbejnë dhe ndihmojnë njëri-tjetrin për të lehtësuar vështirësitë e ndryshme dhe kjo përbën një nga faktorët kryesorë të zbutjes dhe zvogëlimit të dhimbjeve të pashmangshme të reformave dhe tranzicionit në këtë vend. Është e domosdoshme që këtë traditë të shkëlqyer dhe solidaritet të madh familjar që ne kemi, ta projektojmë bashkarisht në mbarë shoqërinë tonë", tha Berisha.

Kryeministri theksoi se vullnetarizimi është një faktor jetik për të edukuar shoqërinë shqiptare. "Tani është  e domosdoshme që këtë traditë të shkëlqyer të solidaritetit të madh familjar që kemi ta eksteriorizojmë, ta projektojmë bashkërisht në mbarë shoqërinë tonë", tha Berisha. /Start/

                                                                                             2011-11-11 14:00