“21 Janari”, arma e Prendit u “gjet” nga ekspertiza shqiptare

U desh ardhja e kësaj ekspertize që të dalin në dritë edhe të dhëna të tjera, ku përmendet qitja me plumba nga arma e komandantit të Gardës së Republikës, Ndrea Prenda.

Laboratori i Kriminalistikës në Tiranë, kishte zbuluar që në mars të vitit të shkuar se disa prej plumbave të gjendura brenda territorit të kryeministrisë ishin nxjerrë nga arma e Prendit, megjithëse nuk u zbulua dot përputhshmëria e armës me predhat, megjithëse gëzhojat përputheshin.

Hetuesit e kriminalistikës shkuan deri në këtë pikë dhe më pas u tërhoqën. Misteri i këtyre hetimeve u zgjidh përfundimisht, pasi Prokuroria shqiptare dërgoi materialet hetimore për ekspertizë në Shtetet e Bashkuara të Amerikës, kur përveç predhave u dërguan edhe dy pistoleta, ajo e Ndrea Prendit si dhe e shoferit të tij, Margarit Kume.

Dy armët kishin anomali dhe kjo ishte arsye pse u dërguan në SHBA. Në vendin e ngjarjes u gjetën 11 gëzhoja që ishin qitur nga pistoleta me numër P52796Z, në përdorim të Prendit, armatim i tij personal. Megjithatë, i akuzuari nga Prokuroria nuk ka pranuar të ketë qëlluar atë ditë me armën e tij. /Start/

                                                                                             2012-01-29 09:58