“Bërthamorët”, bisedimet SHBA-Rusi në shtator

 Një zëdhënës i palës amerikane deklaroi dje se gjatë bisedimeve të kësaj jave në Gjenevë është arritur progres pozitiv."Palët ranë dakort që raundi tjetër i bisedimeve të mbahet në fund të gushtit ose fillim të shtatorit", thuhet në deklaratën e Ministrisë së Jashtme ruse.

Presidenti amerikan Barak Obama dhe presidenti rus Dimitry Medvedev u takuan këtë muaj në Moskë dhe ranë dakort lidhur me objektivat për reduktimin e arsenaleve të tyre bërthamore. Të dy liderët u angazhuan për finalizimin e një marrëveshjeje që do të zëvendësojë Traktatin për Reduktimin e Armëve Strategjike (START) që skadon në dhjetor.