AMC mbështet aktivitetet e Tetorit Gjerman

AMC, mbështetësja kryesore e Javëve të Tetorit Gjerman në Shqipëri, ka kontribuar për zhvillimin e një sërë aktivitetesh që do të zhvillohen në Tiranë deri më 19 nëntor. Pjesë e aktiviteteve të organizuara është edhe ekspozita e znj. Jutta Benzenberg, një fotografe gjermane që jeton në Shqipëri që nga viti 1999. Në këtë ekspozitë znj. Benzenberg do të paraqesë një përzgjedhje të punimeve të saj më të mira. Gati dy dekada të marrëdhënies së saj me Shqipërinë janë shndërruar në pamje bardhë e zi dhe me ngjyra. Me anë të retrospektivës së fotografive, ajo do të transmetojë mprehtësinë e vizionit të saj. Vizitorët e kësaj ekspozite do të kenë mundësinë të flasin me të, si dhe të bashkëveprojnë me një seksion të veçantë brenda sallës. Ekspozita do të jetë e hapur për publikun nga data 20 deri në 25 tetor. Vizitorët kanë mundësinë që të kuptojnë vizionin e punimeve të kësaj artisteje. AMC përveçse ka mbështetur ekspozimin e punimeve, Jutta Benzenberg, është përfshirë edhe në kurimin e gjithë ekspozitës. Një seksion i kësaj ekspozite do t’i kushtohet fushatave dhe aktiviteteve sociale të AMC. Në këto foto paraqiten njerëz të vërtetë dhe të zakonshëm që janë prekur nga projekte të ndryshme të Përgjegjësisë Sociale të AMC. Jutta Benzenberg lindi në Neuwied, Gjermani në vitin 1960. Ajo ka fotografuar tashmë prej 18 vitesh aspekte të ndryshme të jetës në Shqipëri. Punimet e saj janë shfaqur në disa shtete të Evropës. Deri tani ajo ka botuar dy libra: “Mbijetesë shqiptare” dhe “Bukuri e rëndë”. Në 2010, pritet të botohet një libër i tretë i saj. Këtë vit, aktivitetet e Tetorit Gjerman do të përfshijnë si temë 20 vjetorin e rënies së Murit të Berlinit. Shfaqjet teatrore, ekspozitat, prezantimet e filmave, konferencat, pritjet e ndryshme, koncertet etj., do të paraqesin marrëdhënien e mira ndërmjet Gjermanisë dhe Shqipërisë, shumëllojshmërinë e kulturës së sotme gjermane, si dhe do të promovojnë imazhin e saj modern. Si një kompani mjaft e suksesshme në Shqipëri dhe pjesë e një prej grupeve më të mëdha të komunikimit në botë, AMC merr pjesë me krenari në aktivitete ndërkombëtare, të cilat ndikojnë direkt në jetën e qytetarëve. Falë cilësisë tepër të lartë të rrjetit AMC ka mundur tu ofrojë shërbime moderne dhe të plotësojë kërkesat përherë në rritje të abonentëve. AMC ka zbatuar një program të rëndësishëm investimesh në mbarë vendin, me qëllim që t’u japë abonentëve në gjithë vendin komunikim cilësor dhe akses në shërbime të teknologjisë së lartë. AMC është kompani lider për sa i përket mbulimit të popullsisë me sinjal. ǒështë më e rëndësishme, AMC është lider për sa i përket cilësisë së sinjalit.

Doganat do blejnë dhe instalojnë 26 kabina kontrolli

Qeveria vendosi dje lejimin e drejtorisë së përgjithshme të doganave, të kryejë procedurën e prokurimit, me objekt “blerjen dhe instalimin e 26 kabinave të kontrollit”. Në mbledhjen e saj të radhës qeveria mori vendimin për lejimin e Drejtorisë së Përgjithshme të Doganave të kryejë, brenda datës 30 nëntor 2009, procedurën e prokurimit, me objekt “Blerjen dhe instalimin e të 26 kabinave të kontrollit”. Brenda këtij afati të përfshihet edhe lidhja e kontratës përkatëse. Fondi limit, prej 18.120.000 (tetëmbëdhjetë milionë e njëqind e njëzet mijë) lekësh, të përballohet nga buxheti i vitit 2009, miratuar për Drejtorinë e Përgjithshme të Doganave. Ngarkohen Ministria e Financave, Agjencia e Prokurimit Publik dhe Drejtoria e Përgjithshme e Doganave për zbatimin e këtij vendimi.